Dónaleg og niðurlægjandi ummæli

"Ég er hættur að taka þátt í að vera álitsgjafi af því að ég segi ekki slíka hluti um fólk eins og sagt er um konurnar í Fréttablaðinu í dag.

"Ég tala aldrei svona til fólks og myndi ekki láta hafa svona eftir mér" svarar Heiðar Jónsson snyrtir aðspurður um hans skoðun á vali dómnefndar Föstudags, fylgirits Fréttablaðsins um verst og best klæddu konum landsins.

"Sumir álitsgjafarnir eru dónalegir og niðurlægjandi og gleyma alveg persónulega stílnum. Hann verður að fá að vera hér líka. Við megum ekki gleyma því að fólk verður að fá leyfi til að vera það sjálft að einhverju leiti."