Fær tilboð frá eldri konum

Elísabet Brekkan fer fögrum orðum um Þóri Sæmundsson aðalleikara söngleiksins Ástin er diskó - lífið er pönk eftir Hallgrím Helgason sem sýndur er í Þjóðleikhúsinu. Visir hringdi í leikarann sem virðist halda kvenkynsáhorfendum sýningarinnar í heljargreipum frá upphafi til enda.

„Ég er veikur. Er með hálsbólgu og leiðindi en það þýðir ekkert að kvarta yfir því. Nei ég hlusta ekki á gagnrýni eins og þessa því það þýðir ekkert. Þá þarf maður að taka mark á því þegar það er drullað yfir mann. Þetta fer inn um annað og út um hitt. Hópurinn er hinsvegar frábær og þetta er helvíti gaman. Það er bara svaka stuð á okkur þó að Sveppi geti ekki dansað."

Hefur þú fengið einhver spennandi tilboð í kjölfar sýningarinnar? „Já frá eldri konum," svarar leikarinn en segist vera frátekinn.