Angelina lögð inn á spítala

Angelina Jolie er lögst inn á spítala í Suður-Frakklandi, þar sem búist er við að hún dvelji þar til hún fæðir tvíburana sem hún gengur með.

Að sögn Nadine Bauer, talsmanns spítalans, hefur leikkonan það gott og gengur allt eins og best verður á kosið. Hún sagði að innlögnin hefði verið ákveðin fyrir nokkru svo hægt væri að fylgjast betur með líðan hennar og barnanna. Þau eru ekki væntanleg strax, en Jolie mun dvelja á sjúkrahúsinu þangað til hún eignaðist börnin.

Eftir fæðingu tvíburanna telur barnahópur Jolie og kærastans Brads Pitt sex grislinga. Fyrir eiga þau þrjú ættleidd börn og eina líffræðilega dóttur. Þau hafa látið hafa það eftir sér að þau séu hvergi nærri hætt barneignum.