Angelina með fæðingarþunglyndi

Brad Pitt þeytist nú milli kvikmyndahátíða til að kynna nýjustu mynd sína, Burn After Reading. Líf Angelinu Jolie spúsu hans á meðan ku ekki vera alveg jafn huggulegt. Vinur þeirra hjóna segir í viðtali við In Touch tímaritið að Angelina sé úrvinda af þreytu, og hafi frá fæðingu tvíbura þeirra í júlí nánast verið í einangrun á heimili þeirra í Suður-Frakklandi. Leikkonan sé svo þreytt að hún geti ekki leikið við hin börnin sín fjögur, hvað þá tekið þátt í fjölmiðlavændi ektamannsins. „Angelina liggur bara í rúminu. Hún gerir ekkert nema leggja sig, og hefur enga matarlist,“ sagði vinurinn. „Hún þarf að minna sig á að borða af því hún er með börnin á brjósti.“ Vinurinn segir Angelinu þjást af fæðingarþunglyndi, og hún gráti af minnsta tilefni.