Ryan Seacrest að verða atvinnulaus?

Áhorf á American Idol hefur snarminnkað þennan vetur, og eru framleiðendur því farnir að velta því fyrir sér hvað veldur. Þeir settu af stað könnun í síðustu viku, þar sem spurt er út í hvernir fólki líkar hin og þessi atriði þáttarins. Áberandi margar spurningar snúa að kynninum sjálfum, Ryan Seacrest.

Þessi séráhugi á kynninum hefur alið af sér vangaveltur um það hvort það að skipta um kynni sé einmitt það sem þátturinn þarf á að halda til að ná fyrri hæðum. Talsmenn Seacrest vilja í viðtölum vestra ekkert tjá sig um hvort til standi að sparka honum. Þeir sögðu að líklega vildu framleiðendur bara spyrja ítarlegra spurninga í könnunnni.