Húðlitur Ronaldo áhyggjuefni

Cristiano Ronaldo gerir fátt annað þessa dagana en að liggja í sólbaði löðrandi í olíu eftir uppskurð sem framkvæmdur var á ökkla hans.

Ronaldo, sem staddur er á lúxushóteli í Los Angeles, kemst ekki hjá því að fjölmiðlar fylgist grannt með honum og húðlit hans sem verður dekkri með hverjum deginum.

Kappinn, sem hætti með spænsku kærustunni, Nereida Gallardo eftir fimm mánaða samband, neitaði nýverið að lofa því að hann verði leikmaður Manchester United á næstu leiktíð líkt og forráðamenn félagsins hafa haldið fram í fjölmiðlum síðustu daga.