Ísland efst á lista yfir árangur heilbrigðisþjónustu og heilsufar

Ísland er efst á lista bandaríska viðskiptatímaritsins Forbes þar sem borin er saman árangur heilbrigðisþjónustu fjölmarga þjóða og almennt heilsufar.

Það sem talið er Íslandi til tekna eru meðal annars ævilíkur karla og kvenna, útbreiðsla berkla sem hér eru næstum óþekktir og dánarhlutfall nýfæddra sem er það lægsta í heimi. Þá er tiltekið að hér séu hvað flestir læknar í heimi á hverja 100 þúsund íbúa að viðbættum gæðum sem landið sjálft skilar íbúum landsins á einn og annan hátt.

Fram kemur á vef heilbrigðisráðuneytisins að Forbes byggi mat sitt meðal annars á heilbrigðistölfræði frá Alþjóðaheilbrigðismálastofnuninni, Alþjóðabankanum og Sameinuðu þjóðunum auk annarra atriða. Næst á eftir Íslandi á listanum koma Svíþjóð og Finnland en á topp fimmtán eru einnig Þýskaland, Danmörk, Kanada og Holand svo einhver séu nefnd.