Þriggja bíla árekstur á Sandskeiði

Lögregla þurfti að loka fyrir umferð um Suðurlandsveg um stund vegna þriggja bíla áreksturs sem þar varð á níunda tímanum. Einn bíllin valt í árekstrinum.

Klippa þurfti einn bílinn í sundur til að ná ökumanninum út en alls slösuðust þrír í árekstrinum. Þeir voru allir fluttir með sjúkrabílum á slysadeild Landsspítalans. Tildrög slyssins liggja ekki fyrir en krapi er á veginum.

Vegurinn var lokaður í innan við hálftíma og urðu töluverðar umferðartafir af þeim sökum en nú er búið að opna hann. Þá er búið að opna Hellisheiði en þar er nú þæfingsfærð.