Jafnvel yfir fimm metra ölduhæð á slysstað og farið að skyggja

Ölduhæð er jafnvel yfir fimm metrar þar sem talið er að bandaríska flugvélin af gerðinni Cessna 310 hafi farið í sjóinn vestur af landinu síðdegis. Þetta segir skipverji á Baldvini Njálssyni GK en skipið tekur nú þátt í leitinni að flugvélinni. Hann telur að það sé verða um seinan fyrir skipin að finna flugvélina þar sem farið er að skyggja og skipverjar sjái ekkert í myrkri.

Skipin sem taka þátt í leitinni sigla nú í línu frá þeim stað þar sem síðast var vitað um flugvélina í átt að landi og reyna þannig að finna vélina.