Mariah skipuleggur nýtt brúðkaup

Laumubrúðkaup Mariuh Carey og Nick Cannon á búgarði hennar í Karabíska hafinu fyrir skemmstu dugar henni engan veginn. Hún ætlar því að giftast aftur, og gera það almennilega í þetta sinn.

„Gestirnir í athöfninni á Bahamaeyjum voru fyrst og fremst þar til að greiða mér og hjálpa til með kjólinn," sagði söngkonan sagði í viðtali hjá Ellen Degeneres í síðustu viku. Hún bætti því við að hún myndi þess vegna giftast Nick sínum aftur á næsta ári.

Samkvæmt heimildum The Scoop verður það brúðkaup haldið í New York, og öllu fyrr en á næsta ári, eða innan sex vikna. Og það verða sko fleiri en hárgreiðslufólk og kjólameistarar viðstaddir. Söngfuglinn ætlar að vera með fjórtán brúðarmeyjar og bjóða tvöþúsund gestum. Veislan mun kosta meira en fjórar milljónir dollara, eða tæpar þrjúhundruð milljónir króna.