Hvatningarorð viðskiptaráðherra breyta engu

Sigurður Kári Kristjánsson, alþingismaður Sjálfstæðisflokksins, segir að hvatningarorð Björgvins G. Sigurðssonar, viðskiptaráðherra, muni ekki breyta stefnu Sjálfstæðisflokksins í Evrópumálum. Það verði einungis gert á landsfundi flokksins.

Sigurður segir vægast sagt einkennilegt að hlusta á Björgvin lýsa því yfir í fjölmiðlum að nauðsynlegt væri fyrir Sjálfstæðisflokkinn að breyta stefnu sinni í Evrópumálum þannig að hún yrði honum og Samfylkingunni þóknanleg. Þetta kemur fram í grein sem Sigurður skrifaði og birtist í Viðskiptablaðinu í dag undir fyrirsögninni Kveðja til viðskiptaráðherra.

Sigurður segir að engum sjálfstæðismanni detti til hugar að krefjast þess að ráðherrar Samfylkingarinnar setjist niður og geri upp mál sína á milli. ,,Slík afskiptasemi yrði afgreidd sem hroki og yfirgangur. Við látum fólki í öðrum flokkum einfaldlega sjálfu eftir að jafna ágreining sinn sín á milli án þess að blanda okkur í slaginn."

Vera má að afstaða Sjálfstæðisflokksins til aðildar Íslands að Evrópusambandinu kunni að breytast í ókominni framtíð," segir Sigurður og bætir við að henni verði hins vegar að breyta á landsfundi flokksins. ,,Það er hins vegar misskilningur að halda að hvatningarorð Björgvins G. Sigurðssonar, viðskiptaráðherra, muni þar einhverju breyta.