Dóttir Rod Stewart huggar Rhys Ifans

Leikarinn Rhys Ifans tekst að sögn breskra fjölmiðla ennþá á við erfiðan söknuðinn eftir sambandsslitin við leikkonuna Siennu Miller.

Ifans hefur fundið sér nýjan drykkjufélaga sem er engin önnur en dóttir Rod Stewart, Kimberly.

Þau yfirgáfu næturklúbb í miðborg Lundúna í sitthvoru lagi svo að lítið bæri á að sögn viðstaddra.

Kimberly Stewart, sem er 28 ára, er þekkt fyrir að sækja helstu næturklúbba Bretlands en hún hefur undanfarið átt vingott við leikarann Jude Law sem átti einnig í ástarsambandi við Siennu Miller sem þótti of vel snyrt í nektarsenum í nýjustu kvikmynd sinni svo nota þurfti tölvutækni til að fjölga skapahárum leikkonunnar.