Britney fær börnin yfir nótt

Á meðan Kevin Federline skemmti sér á Miami naut Britney þess að vera heima með börnunum sínum samkvæmt sjónvarpsstöðinni E!. Söngkonan fékk að hafa drengina hjá sér í 12 klukkustundir á heimili hennar í Los Angeles um helgina.

Um er að ræða fyrstu nóttina sem drengirnir fá að gista hjá mömmu sinni síðan í janúar en andlegt ástand Spears hefur batnað til muna að sögn fagfólks sem fylgist með líðan hennar.

Britney Spears þarf að greiða lögfræðikostnað Kevins Federline í skilnaðarmáli þeirra vegna þess hversu „hlutfallslega" fátækur hann er í samanburði við eiginkonuna fyrrverandi.

En það er ekki það eina sem að Britneyjarbanki þarf að punga út fyrir K-Fed. Samkvæmt gögnum í málinu náði drengurinn á átta mánaða tímabili að eyða sem samsvarar tæpum fjórum milljónum króna í hótelherbergi og veitingar í Las Vegas.