Sienna Miller sogast að giftum mönnum

Leikkonan Sienna Miller á í tilfinningalegri baráttu við sjálfa sig ef marka má fjölmiðla beggja vegna Atlantshafsins eftir að upp komst um samband hennar og gifta leikarans Balthazar Getty.

Fjölmiðlar velta sér nú upp úr þeirri staðreynd að leikkonan hefur oftar en ekki verið í tygjum við harðgifta menn eins og leikarann Jude Law sem hún kynntist við tökur á kvikmyndinni Alfie.

Vinir Siennu taka hinsvegar upp hanskann fyrir leikkonuna og segja að hún hafi lært af reynslunni þegar kemur að giftum karlmönnum og að Balthazar hafi verið skilinn við eiginkonuna löngu áður en ástarblossinn kviknaði milli þeirra.