Talandi dæmi um misheppnaða lýtaaðgerð

Bandaríska leikkonan Lisa Rinna, 45 ára, sem þekkt er fyrir að leika í sápuóperum í gegnum tíðina, hefur viðurkennt að hún hefur látið stækka á sér varirnar.

Lisa segir í viðtali við tímaritið In Touch: ,,Mér fannst alveg sjálfsagt að fylla aðeins í varirnar á mér en síðan sá ég mynd af mér eftir aðgerðina og dauðbrá."

,,Þess vegna vil ég ráðleggja fólki að fara varlega þegar kemur að lýtalækningum. Ég er talandi dæmi um misheppnaða lýtaaðgerð. Það eru svo margar leiðir sem fólk getur farið til að líta betur út," segir Lisa.