Sting vill Doherty ekki sem tengdason

Söngvarinn Sting er ansi langt því frá hamingjusamur með nýjasta vin dóttur sinnar, vandræðagemlinginn Pete Doherty. The Daily Mail hefur eftir kunnugum að Sting hafi froðufellt af reiði þegar hann komst að því Doherty hefði gist í tjaldi hinnar sautján ára Coco Sumner á Glastonbury tónlistahátíðinni.

Pete og Coco, sem þykir efnilegur tónlistamaður, kynntust á djassklúbbi í London fyrr á árinu. Hann hefur verið að hjálpa henni með lög á væntanlega plötu hennar, sem útgáfufyrirtækið Island Records hyggst gefa út.

„Coco hefur klárlega erft sönghæfileika föður síns og Pete þykir mikið til þeirra koma," hefur blaðið eftir heimildamanni sínum. „Það fer ekki framhjá neinum að hann er skotinn í henni líka, og það veldur pabba hennar töluverðum áhyggjum."