Norðmenn vilja íslendinga í bókhaldið

Í atvinnuhluta Fréttablaðsins í dag má sjá litla sæta auglýsingu á norsku. Þar er fyrirtæki sem heitir Norsk Turboservice að auglýsa eftir fólki í reikningshald, bókhald, sölumennsku og fleira.

Fyrirtækið er 30 ára gamalt og er með höfuðstöðvar í Telemark í Noregi en á systurfyrirtæki í Svíþjóð. Fyrirtækið fullyrðir að það sé leiðandi í skandinavíu í sínum geira.

Þeir sem eru áhugasamir eru beðnir um að senda ferilskrá með mynd á netfangið info@turboservice.no.

Í lok auglýsingarinnar er það síðan tekið fram að fyrirtækið veiti aðstoð við að útvega húsnæði og sjái til þess að nýir starfsmenn hafi það sem allra best.