Sarah Palin tók til í fataskápnum um helgina

Sarah Palin, ríkisstjóri í Alaska og fyrrum varaforsetaefni repúblikana, varði hluta helgarinnar við að gramsa í fataskápnum hjá sér. Tilgangurinn var að finna út úr því hvaða föt væru í eigu Repúblikanaflokksins. Palin var gagnrýnd harðlega fyrir að eyða 150 þúsund bandaríkjadollurum í föt.

Chuck Health, faðir Palin, segir að dóttir sín hafi varið lunganu úr laugardeginum í að finna út úr því hvaða föt hún ætti sjálf og hvað tilheyrði repúblikanaflokknum. Health segir að gagnrýni á fatakaup handa dóttur hans sé fáránleg. Einu fötin sem hún hefði persónulega keypt á undanförnum fjórum mánuðum væru skópar.