Gibson snæddi við Tjörnina í gærkvöldi

Ástralski stórleikarinn Mel Gibson sem staddur er hér á landi þessa dagana fór út að borða í Reykjavík í gærkvöldi. Snæddi hann ásamt sonum sínum tveimur á veitingastaðnum Við Tjörnina. Að sögn þeirra sem til sáu lét hann vel að matnum og lék á alls oddi við starfsfólk.

Vísir sagði frá því í gær að leikarinn hefði verið að spóka sig í veðurblíðunni í Reykjavík. Kom hann meðal annars við í Hallgrímskirkju og fékk sér þrefaldan kaffi Latté á Te & Kaffi.

Þar var hann líka hinn viðkunnanlegasti og heilsaði gestum og gangandi.