Leiðindasuð ástæðan fyrir nafninu

„Nafnið Hitakútur varð til þegar söngvarinn Sigurjón og trommarinn Beggi voru að taka upp efni á segulband í bílskúrnum hjá sér fyrir tíu árum og þá var alltaf eitthvað suð á upptökunum," segir Jón Steinar meðlimur hljómsveitarinnar Hitakútur þegar Vísir spyr hann út í nafnið á bandinu.

„Við nánari athugun kom í ljós að þetta var suð úr hitakúti sem var við hliðina á tækinu. En nafnið á mjög vel við ballhljómsveit sem sér um að kynda upp hvern skemmtistaðinn á fætur öðrum. Nafnið er líka í eintölu sem gerir okkur fimm saman að einum Hitakút."

Hitakútur hefur undanfarið gefið lagið G-era gjaldlaust á heimasíðu hljómsveitarinnar www.hitakutur.is.