Framtíðareiginkona mín er á Íslandi, segir Toby úr Rockstar:Supernova

„Ég elska Ísland svo mikið að ég ætla að láta húðflúra á mig íslensk orð," svarar Toby Rand ástralski söngvarinn sem söng eftirminnilega í sjónvarpsþættinum Rockstar:Supernova haustið 2006 ásamt Magna Ásgeirssyni.

Hvað ertu að gera þessa dagana? „Hljómsveitin mín, Juke Kartel, er um þessar mundir að gefa út fyrsta smáskífuna í Ástralíu með lagi sem heitir Save Me. Við vorum í Seattle í hljóðveri og tókum upp myndband í Los Angeles og New York. Síðan er framundan hjá hljómsveitinni að spila um alla Ástralíu áður en við förum aftur til Los Angeles," svarar Toby.

Saknar þú Íslands?

„Já ég sakna fólksins sem býr í landinu. Allir eru svo fallegir á Íslandi, gestrisnir, almennilegir og líka alveg brjálaðir. Ég held að ástæðan fyrir því sé að sólin skín hjá ykkur 22 tíma á sólahring eða eitthvað í þá áttina."

„Ég elska ástríðuna sem býr innra með Íslendingum. Þegar ég er á Íslandi líður mér eins og restin af heiminum sé ekki til. Oh, þið eigið fallegustu og mest kynþokkafyllstu konur í heiminum. Ég held að framtíðareiginkona mín er á Íslandi."

Ertu ennþá í sambandi við Magna síðan þið komust báðir áfram í lokaþátt Rockstar:Supernova haustið 2006?

„Já ég tala mjög oft við Magna í gegnum tölvupósta og síma. Ég elska

Magna því hann er frábær manneskja, rosalega duglegur og svo er hann líka gjafmildur."

Er von á þér til Íslands bráðlega? „Ég og Magni erum að vinna í smáatriðum varðandi það. Mig langar að koma með hljómsveitina með mér og túra um landið ásamt Magna og hljómsveitinni Á móti sól. Ég vona að það gerist fljótlega því ég get ekki beðið eftir að koma aftur til Íslands. Ég sakna alls þaðan," segir Toby.

Vísir hafði samband við Magna í kjölfar viðtalsins við Toby:

„Hann er hress strákurinn," svarar Magni.

„Toby er besti vinur minn eftir þáttinn og reyndar sá eini sem ég held ennþá sambandi við. Hann kemur alltaf fram af heiðarleika og hann er sannur vinur. Hann og restin af Juke Kartel eru ótrúlegir drengir. Hressir, lífsglaðir og alveg stórgóð hljómsveit."

„Toby gæti alveg eins verið að austan. Hann er svona strákur sem maður finnst eins og maður hafi þekkt síðan í menntó. Það má eiginlega segja að Ástralir séu einhvernveginn líkari Íslendingum en margar aðrar þjóðir," segir Magni að lokum.

Skoða heimasíðu Juke Kartel hér: www.myspace.com/jukekartel.