Vildi frið í baráttu við krabbameinið

„Við vorum allar mjög spenntar þegar við hittumst fyrst við vinnslu á myndinni" segir Cynthia Nixon í viðtali við Showbiz Tonight aðspurð um samband hennar við leikkonurnar í nýju bíómyndinni Sex and the City.

„Samband okkar er eins og veðrið. Sólin skín á milli þess sem það rignir. Fólk virðist hafa mikinn áhuga á sambandinu milli okkar."

Þegar talið berst að baráttu hennar við brjóstakrabbameinið og af hverju hún beið í rúmt ár með að segja fjölmiðlum frá því segir Cynthia að hún hafi ekki viljað senda frá sér tilkynningu um veikindin því hún þurfti tíma út af fyrir sig og fjarlægð frá fjölmiðlum.

Í dag er leikkona hraust á líkama og sál.

Kvikmyndin Sex and the City verður frumsýnd hér á landi 30. maí næstkomandi.

Cynthia ræðir opinskátt um bíómyndina, mótleikarana og veikindin.