Segir að kærastan helli Lindsay fulla

Pabbi Lindsay Lohan hefur þungar áhyggjur af dóttur sinni. Fjölmiðlar vestanhafs hafa það eftir Michael Lohan að hann er sannfærður um að sé byrjuð að drekka aftur. Hann hafi ákveðið að setjast niður og ræða málin við kærustu Lindsay, Samönthu Ronson, sem hann telur bera alla ábyrgð á drykkju dóttur sinnar.

„Samantha drekkur og réttir Lindsay drykki undir borðið. Drykkjan versnar og versnar bak við tjöldin," sagði Michael og bætti við a Samantha væri einungis að nota Lindsay. Talsmenn hennar þverneita ásökununum.