Brúnn jakki Hönnu Birnu táknar von, segir Sigríður Klingenberg

„Jakkinn hennar Hönnu Birnu er framúrstefnulegur og mér líst vel á hann þó þetta sé líklega 18. aldar snið," svarar Sigríður Klingenberg spákona þegar Vísir spyr hana út í brúnan jakka Hönnu Birnu Kristjánsdóttur.

Jakkanum klæddist Hanna þegar hún lýsti yfir samkomulagi um meirihlutasamstarf Sjálfstæðisflokks og Framsóknarflokks í Reykjavíkurborg.

Samkvæmt litaspekinni táknar brúni liturinn þægindi, veraldarhyggju, hagkvæmni, hagsýni, íhaldssemi og efnishyggju.

„Þessi jakki hefði kannski hentað betur samvinnu hennar með Ólafi. Liturinn á jakkanum er litur vonarinnar. Ég myndi vilja ráðleggja henni að ganga í ákveðnari og sterkari litum eins og til dæmis appelsínugulum eða grænum jökkum þegar hún sest í borgarstjórastólinn."