Ricky Martin eignast tvíbura

Það er engin stjarna með stjörnum þessa dagana öðru vísi en að eiga tvíbura. Söngvarinn Ricky Martin eignaðist nýverið tvíbura með meðgöngumóðir. Lisa Marie Presley gengur með tvíbura og nýverið eignuðust Angelina Jolie og Brad Pitt Vivienne Marcheline og Knox Leon í Frakklandi. Fyrr á árinu Jennifer Lopez og Marc Antony tvíburana Emme og Max.

Í yfirlýsingu frá Ricky, sem er 36 ára, kemur fram að hann hlakkar til að hefja nýjan kafla í lífi sínu og takast á við föðurhlutverkið.

Undanfarin ár hefur Ricky gert málstað fátækra barna að sínum og barist gegn mansali.

Söngvarinn er frá Púertó Ríkó og einna þekktastur fyrir smellina She Bangs! og Livin' La Vida Loca.