Tommy Lee er með Pamelu á heilanum

Pamela Anderson viðurkennir í tímaritinu Radar að móðir hennar, Carol, er langt frá því að vera ánægð með ástarlíf kynbombunnar. Hún segir dóttur sína alveg úti að aka þegar kemur að karlavali og ráðleggur henni að einbeita sér að því að kynnast konum.

„Mamma sagði við mig: Ég vildi óska að þú værir lesbía miðað við hvernig karlmenn þú velur þér," segir Pamela.

„Svo fæ ég ekki frið frá Tommy. Hann spyr mig stöðugt: Hvað er þetta? Hvað varstu að gera? Af hverju gerðir þú þetta? Maðurinn lætur ekkert fara fram hjá sér sem ég geri en ég svara alltaf: Elskan, viltu hætta að gúggla mig."

„Hann elskar mig bara svo mikið og ég hann en ég gúggla hann aldrei."