Ætlar að giftast barnapíunni

Frá Hollywood berast þær fréttir að stórleikarinn Ethan Hawke sé að undirbúa baugfingur undir væntanlegan giftingarhring. Hann og ólétta kærastan hans ætla að gifta sig á næstunni.

Stúlkan sem heitir Ryan Shawhughes var barnapía Ethans þegar hann var giftur leikkonunni Umu Thurman.

Náinn vinur þeirra segir þau ætla að gifta sig á næstu dögum. „Það kæmi ekki á óvart ef brúðkaupið yrði um næstu helgi," sagði vinurinn.

Margir voru ósáttir með leikarann þegar hann skildi við Umu og byrjaði með barnapíunni, sem hann ætlar nú að giftast.