130 verk boðin upp næstu helgi

Gallerí Fold gengst fyrir listmunauppboði á sunnudagskvöld í Súlnasal Hótels Sögu og hefst það kl. 19.00.

Boðin verða upp liðlega 130 verk. Úrvalið að þessu sinni er óvenju glæsilegt. Meðal annars verða boðin upp verk eftir Louisu Matthíasdóttur, Nínu Tryggvadóttur, Jón Stefánsson, Gunnlaug Blöndal, Baldvin Björnsson, Þorvald Skúlason, Karl Kvaran, Mugg, Ásgrím Jónsson, Jóhannes S. Kjarval og Jóhannes Jóhannesson. Auk þess verða boðin upp verk eftir Óla G. Jóhannsson og Kristján Davíðsson.

Verkin eru til sýnis í Gallerí Fold við Rauðarárstíg frá og með föstudeginum 5. september til sunnudagsins 7. september.