Lífið

Gibson í laxi með Landsbankamönnum

Mel Gibson
Mel Gibson

Vísir hefur flutt reglulegar fréttir af veru stórleikarans Mel Gibson hér á landi. Samkvæmt heimildum Vísis hefur leikarinn eytt deginum í veiði með mönnum úr Landsbankanum. Heimildir Vísis herma að það hafi verið Selá í Vopnafirði sem hafi orðið fyrir valinu og þykir það ein flottasta veiðiá landsins. Mun Gibson vera nokkuð áhugasamur um laxveiði og gat því ekki sleppt tækifærinu meðan hann dvaldi hér á landi.

Vísir sagði frá því í gær að hann hefði verið að spóka sig í Reykjavík. Meðal annars kíkti hann Hallgrímskirkju og fékk sér þrefaldan kaffi Latté á Te & Kaffi. Gærkvöldinu eyddi hann á veitingastaðnum Við Tjörnina.






Tengdar fréttir

Gibson snæddi við Tjörnina í gærkvöldi

Ástralski stórleikarinn Mel Gibson sem staddur er hér á landi þessa dagana fór út að borða í Reykjavík í gærkvöldi. Snæddi hann ásamt sonum sínum tveimur á veitingastaðnum Við Tjörnina. Að sögn þeirra sem til sáu lét hann vel að matnum og lék á alls oddi við starfsfólk.

Mel Gibson fékk sér þrefaldan Latté á Te & Kaffi

Ástralski stórleikarinn Mel Gibson er staddur hér á landi um þessar mundir. Leikarinn mun hafa litið við í Hallgrímskirkju ásamt syni sínum í morgun. Séra Jón Dalbú Hróbjartsson sóknarprestur í Hallgrímskirkju er staddur í fríi í Borgarfirði og hafði því ekki heyrt af komu leikarans í kirkju sína.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.