Owen Wilson drekkir sorgum sínum með tvíförum Kate

Á meðan Kate Hudson nýtur lífsins í Cannes og Mónakó með hjólakappanum Lance Armstrong, drekkir hennar fyrrverandi, Owen Wilson, sorgum sínum heima fyrir í félagsskap ljóshærðra tvífara hennar.

Þau Kate og Owen skyldu nýlega í annað sinn, en leikarinn var svo miður sín eftir fyrri sambandsslit þeirra á síðasta ári að hann reyndi að fremja sjálfsmorð. Hann hefur dvalið í Fíladelfíu undanfarið við tökur á myndinni Marley & Me, og samkvæmt heimildum OK tímaritsins hefur hann leitað sér huggunar þar í brennivíni og fögrum fljóðum. Undanfarið hefur sést til hans með tveimur mismunandi ljóshærðum stúlkum sem þykja sláandi líkar Hudson.

Vinur Owens sagði við tímaritið að hann væri niðurbrotinn, enda hafi enginn búist við því að leikkonan færi frá honum.