Guðmundur snýr ekki aftur í forstjórastól OR

Guðmundur Þóroddsson, núverandi forstjóri REI, snýr ekki aftur í forstjórastól OR líkt og hugmyndir voru uppi þegar hann tók sér sjö mánaða leyfi sem forstjóri OR í byrjun september á síðasta ári til að sinna REI.

Þetta staðfesti Kjartan Magnússon, stjórnarformaður OR, í samtali við Vísi. Ákvörðunin var tekin á stjórnarfundi OR í dag. Við atkvæðagreiðsluna sátu fulltrúar VG og Samfylkingarinnar hjá. Kjartan sagði að ekki yrði gerður sérstakur starfslokasamningur við Guðmund heldur yrði farið eftir ráðningasamningi sem gerður var við hann árið 2002.