Drew á lausu

Leikkonan Drew Barrymore virðist ekki ætla að finna hina einu sönnu ást. Drew hefur nú tilkynnt að hún og kærasti hennar Justin Long séu skilin að skiptum eftir næstum árs samband.

Vinur leikkonunnar segir þó að Drew og Justin séu enn góðir vinir. Í viðtali við tískutímaritið Vogue í mars sagði Drew að hún væri svo hamingjusöm með Justin að hana verkjaði í kinnarnar. Justin þessi er hvað þekktastur fyrir leik sinn í grínmyndinni Dodgeball, sem skartaði einnig Ben Stiller og Vince Vaughn.