Pamela mætti nakin með afmæliskökuna

Klámkóngurinn Hugh Hefner fékk aldeilis glaðning á 82ja ára afmælisdaginn í apríl. Baywatch stjarnan Pamela Anderson mætti í veisluna, og færði honum afmælisköku - kviknakin.

„Þetta var hin fullkomna gjöf. Ég meina, vá, Pamela Anderson, nakin, með köku... Hvað getur verið betra en það?," sagði ein kærasta Hefners, Kendra Wilkinson við Us tímaritið um helgina.

Kærustur Hefners, sjö talsins við síðustu mælingar, gerðu að sjálfsögðu sitt til að reyna að slá nakinni Pamelu við. Þær færðu hinum aldraða unnusta sínum súkkulaði, mótað eftir hinum ýmsu líkamspörtum. „Ég tók mót af rassinum á mér," sagði Wilkinson og bætti við að hann hefði verið úr hvítu súkkulaði, með dökkum súkkulaðibletti þar til gerðum stað.