Beggi og Pacas í viðræðum um eigin matreiðsluþátt

Tilboðunum rignir yfir þá Begga og Pacas í kjölfar þátttöku þeirra í hæðinni, og er krafta þeirra er óskað í allt frá matarbloggi til inréttinga.

„Við höfum fengið tilboð um að opna veitingahús og erum í viðræðum um að vera með matreiðsluþátt í sjónvarpi," segir Beggi. Hann og Pacas hafa lengi starfað sem kokkar, og eiga því ekki langt að sækja matreiðsluáhugann.

Pálmi Guðmundsson sjónvarpsstjóri Stöðvar 2 staðfestir að stöðin sé í samningaviðræðum parið, og býst við að gengið verði frá málinu, ef af verður, á næstu dögum eða vikum. „Við bara samgleðjumst þeim innilega með sigurinn," segir Pálmi. „Það er náttúrulega morgunljóst að þarna eru stjörnur fæddar og við munum skoða þetta allt vandlega."