Kílóin fjúka af Mel B

33 ára kryddpían Mel B hefur undanfarnar vikur eytt tíma sínum í líkamsræktinni þar sem hún lyftir lóðum með einkaþjálfaranum sínum 90 mínútur daglega, sex daga vikunnar.

Breska pressan lofar líkamsvöxt hennar í bak og fyrir því kryddpían hefur auðsjáanlega lagt af.

Talsmaður söngkonunnar segir Mel B vinna að nýrri plötu, eigin fatalínu og þar ofan á lagt hugar hún að því að taka að sér hlutverk í söngleiknum Legally Blonde sem sýndur verður á Broadway.

Hana langar að eignast fleiri börn með eiginmanni sínum Stephen Belafonte: „Ég vil eignast fleiri börn en bara ekki strax, kannski eftir nokkur ár," segir Mel B.

Mel B á tvær dætur, Phoenix sem er 9 ára með dansaranum Jimmy Gulzar og 15 mánaða Angel Iris sem hún á með leikaranum Eddie Murphy.