Pete með sjálfsævisögu

Svo virðist sem dóphundurinn Pete Doherty ætli sér að komast yfir auðfengið fé. Þessi fyrrverandi kærasti ofurfyrirsætunnar Kate Moss ætlar nú að fara að skrá ævisögu sína.

Pete mun skrifa bókina í samstarfi við rithöfundinn Sean Boru og mun hún að stórum hluta fjalla um samband Petes við fyrirsætuna.

„Bókin mun snúast um rokk og ról lífstílinn sem hann og Kate tileinkuðu sér. Ég skrifaði til Petes þegar hann sat í fangelsi og sagði honum frá reynslu minni sem eiturlyfjafíkill og eftir það þróaðist með okkur vinátta. Þetta verður fyrsta bókin sem mun fjalla um smáatriðin í sambandi þeirra og það er einmitt það sem allir vilja lesa um," segir Sean um væntanlega ævisögu rokkarans. Það er þó ólíklegt að Kate sé jafn spennt yfir bókinni og þeir félagar.