Heigl áfram í Grey´s

Hin þokkafulla Katherine Heigl mun halda áfram að leika Dr. Izzie Stevens í þáttunum Grey's Anatomy sem ABC sjónvarpsstöðin framleiðir og sýndir eru á Stöð 2.

Heigl mun hafa verið afar ósátt með handrit seinustu þáttaraðar og telur sig ekki hafa fengið mikið til að moða úr. Talið var að Heigl myndi hverfa úr þáttunum en Stephen McPherson, framkvæmdastjóri framleiðsludeildar ABC, neitar að það sé rauninn.

,,Hún verður pottþétt áfram í þáttunum. Söguþráðurinn í ár er magnaður og hún verður í rauninni allt í öllu í komandi þáttaröð."