Hjúskapur frá helvíti

Sækjast sér um líkir segja menn. Út frá því er í raun ótrúlegt að Amy Winehouse og Pete Doherty hafi ekki fyrir löngu fundið hvort annað. Vandræðabörnin tvö, sem á milli sín hafa líklega sukkað meira en Keith Richards, virðast þó vera að draga sig saman.

Í fyrradag náðust myndir af parinu þar sem þau kvöddust innilega fyrir utan heimili hennar í Camden. Í gærkvöld hittust þa svo aftur á heimili hennar og fóru á pöbbarölt. Amy er reyndar enn gift hinum fangelsaða Blake Fielder-Civil. Fyrir skömmu kom upp orðrómur um að hún hyggðist skilja við hann, og hefur hún verið orðuð við fjölda manns síðan þá.