Innlent

Fullnægjandi skýringar verða að koma með greiðslum að utan

MYND/GVA

Seðlabankinn ítrekar að fullnægjandi upplýsingar verði að fylgja um greiðslur sem sendar eru til Íslands í gegnum Seðlabankann.

Fram kemur á vef Seðlabankans að miðlun greiðslna milli Íslands og annarra landa hafi tekið lengri tíma en áður eftir að vandræði bankanna dundu yfir í október. „Þó hefur miðlunin að mörgu leyti lagast síðustu vikur. Mikilvægt er að fullnægjandi skýringar fylgi greiðslufyrirmælum til þess að koma í veg fyrir að greiðslur tefjist," segir Seðlabankinn.

„Greiðslur sem sendar eru til Íslands gegnum Seðlabanka Íslands eru lagðar inn á reikninga Seðlabankans erlendis. Það kemur fyrir að engar skýringar fylgja, þ.e. að fjárhæðin birtist bara á yfirliti frá erlenda bankanum og engar upplýsingar berast um hver endanlegur móttakandi er. Þá þarf að kalla eftir nánari upplýsingum. Seðlabankinn afgreiðir samdægurs til viðskiptabankanna allar greiðslur sem berast með fullnægjandi upplýsingum.

Til að auka líkur á því að upplýsingarnar berist í tíma þurfa greiðendur að biðja sinn banka um að senda greiðsluna sem „International customer transfer"," segir bankinn enn fremur.



Mest lesið


Fleiri fréttir

Sjá meira


×

Mest lesið