Óléttan er frábær fyrir kynlíf Brangelinu

Það er engin þörf á því að hætta að vera kynbomba þó maður sé óléttur að tveimur grislingum. Ofurbomban Angelina Jolie segir að minnsta kosti að það að ganga með tvíbura hafi stórbætt kynlíf hennar og kærastans Brads Pitt.

„Ólétta er frábær fyrir kynlífið, sagði leikkonan í viðtali við Entertainment Weekly. „Þú neyðist til að hleypa hugmyndafluginu lausu, og það er skemmtilegt."

Jolie sagði einnig að þeim hefði brugðið þegar þau komust að því að þau ættu von á tvíburum, en þau eiga fjögur ung börn fyrir. Þau hefðu þó gaman af því að takast á við áskoranir. Aðspurð hvernig þau ætluðu að takast á við það að ala upp sex börn sagðist Jolie ekki hafa hugmynd. „Við vitum það í alvöru ekki. Tengdaforeldrar mínir eru tilbúin að hjálpa okkur. Og sem betur fer getum við keypt okkur aðstoð ef við þurfum, en við ætlum samt að reyna að takast á við þetta sjálf eins og við getum."