Latexgallinn er þægilegur - myndir

„Við byrjuðum á því að standa fyrir utan Laugardalshöllina og gefa öllum Burn sem voru í röðinni og seinna um kvöldið vorum við að selja vodka í Burn ásamt því að labba um svæðið. Við vorum gangandi auglýsing," segir Kristbjörg Jónasdóttir 21 árs sem ásamt vinkonum sínum kynnti orkudrykk klædd í þröngan latexgalla á stórtónleikum Gus Gus og David Guetta í Laugardalshöllinni 16. júní síðastliðinn.

„Fólkið tók rosalega vel í þetta. Allir eru þvílíkt ánægðir, alltaf. Núna er leikur á FM957 og fólk getur sent inn upplýsingar ef það er að fara að halda partý. Þá mæti ég, Íris og einn barþjónn með okkur í partýið og við stoppum í smástund og gefum áfengi."

Eru þröngu latexgallarnir þægilegir?

„Já latexsamfestingarnir eru fínir og þeir vekja mikla athygli. Við fengum þá fyrir Tommy Lee partýið. Þeir voru saumaðir á okkur hjá Textilline og Begga og Ásgeir hjá Súpernóva gerðu hanakambana en þetta er í fyrsta skipti sem við erum með hanakamba og við erum að fíla það alveg í klessu."

„Við erum allar vinkonur sem erum í þessu. Þetta er sumarvinnan okkar en við höfum verið í þessari vinnu í 3 ár. Við höldum Burn partý alla laugardaga á sumrin í gegnum Burn leikinn.

Er þetta starf vel borgað?

„Já við fáum mjög góð laun og þetta er frábær vinna."