Paris Hilton svarar fyrir sig - myndband

Auglýsing John McCain þar sem hann líkti Obama við Paris Hilton og Britney Spears hefur haft alvarlegar afleiðingar í för með sér fyrir McCain.

Bandarískir fjölmiðlar greina frá því að Hilton fjölskyldan sé æf af reiði út í McCain. Fjölskyldunni hafi loksins tekist að koma skikki á Paris Hilton og fá hana til að taka því rólega þegar McCain dregur hana fram í kastljósið með þessum hætti.

Hilton fjölskyldan er einn af styrktaraðilum McCain og hefur látið hann fá töluverðar fjárhæðir til baráttu sinnar en áframhaldandi stuðningur er nú til endurskoðunnar.

Paris svarar hinsvegar fyrir sig í eftirfarandi myndbandi sem má sjá hér.