Nicole Richie að fríka út á móðurhlutverkinu

Nicole litla Richie hefur þurft að þola ýmislegt undanfarin ár, allt frá átröskunum og áfengismeðferðum til fangelsisvistar og samfélagsþjónustu. Nú þegar dóttir hennar er komin í spilið stefnir í eitt allsherjar niðurbrot.

Vinur stjörnunnar sagði við National Enquirer að álagið sé farið að segja til sín og Nicole brotni nú niður við minnsta áreiti. Það sé svo farið að segja til sín í sambandi hennar við kærastann, rokkarann Joel Madden. „Joel er að reyna að vera þolinmóður, jafnvel þó skapsveiflur Nicole endi oft í rifrildum milli þeirra. Hann skilur að hún hefur gengið í gegnum mikið - orðið ófrísk, þurrkað sig upp, hafið sambúð og eignast barn - á stuttum tíma, og það getur verið erfitt fyrir hvern sem er. Að sögn heimildamannsins er Joel þó ennþá ástfanginn upp fyrir haus af Nicole sinni, og vill ólmur kvænast henni.