Auglýsingamál RÚV fái ekki flýtimeðferð

Stjórn Sambands íslenskra auglýsingastofa írekar þá skoðun að ákvarðanir um aðkomu Ríkisútvarpsins að auglýsingamarkaði séu teknar með langtímasjónarmið í huga og ekki teknar í flýti.

Eitt af hlutverkum Sambands íslenskra auglýsingastofa er að gæta hagsmuna viðskiptavina sinna og því hvetjur stjórn SÍA til þess að allt verði gert til þess að eðlileg samkeppni ríki á íslenskum auglýsingamarkaði.

,,Það er einnig hagur og réttur íslenskra neytenda að auglýsendur nái til viðskiptavina sinna með eins góðum og hagkvæmum hætti og kostur er hverju sinni. Þar skiptir máli að auglýsendur geti með nokkurri vissu gefið sér að auglýsingar í sjónvarpi berist til þeirra sem þeim er ætlað, en einnig og ekki síður að næg fjölbreytni ríki á auglýsingamarkaði til að eðlileg samkeppni þrífist," segir í tilkynningu. Þannig séu hagsmunir auglýsenda best tryggðir.