Berbatov að færast nær United?

Fréttasíður á Englandi eru uppfullar af fréttum af búlgarska sóknarmanninum Dimitar Berbatov. Talað er um að Manchester United sé að færast nær því að klófesta leikmanninn frá Tottenham.

Berbatov hefur gefið það út að hann vilji stíga næsta skref á ferlinum og samkvæmt heimildum Guardian mun United vera reiðubúið að borga 28 milljónir punda fyrir hann.

20 milljón punda boði frá United í Berbatov var hafnað fyrir stuttu en leikmaðurinn er efstur á óskalista United. Samkvæmt heimildum Times er líklegt að gengið verði frá kaupunum fyrir helgi.