Sex börn duga Brangelinu ekki

Brad Pitt og Angelina Jolie voru kannski að eignast sitt fimmta og sjötta barn, en vinur parsins segir þau hvergi nærri hætt að fjölga mannkyninu.

Parið átti fjögur börn fyrir þegar tvíburarnir komu í heiminn, þrjú ættleidd og eitt líffræðilegt. Slúðursíðan The Scoop hefur það eftir heimildamanni sínum að Jolie vilji verða ófrísk að minnsta kosti einu sinni enn - jafnvel þó hún eignist annað sett af tvíburum.

Pitt hefur látið hafa það eftir sér að þau vilji eiga nóg af börnum til að manna fótboltalið, og samkvæmt vini þeirra er ekki ólíklegt að þau láti verða af því. „Það væri draumur þeirra að eignast tólf börn," segir heimildamaðurinn. The Scoop hefur það eftir sálfræðingnum Dr. Michelle Golland að óvenjulegt sé að konur dreymi um svo fjölmennar fjölskyldur. „Það er ekki ein einasta móðir sem ég þekki sem myndi vilja hafa vistaskipti við Angelinu Jolie. Jafnvel þó þær fengju að sofa hjá Brad Pitt," segir Golland.