Lindsay Lohan og Samantha í faðmlögum - myndir

Lindsay Lohan og vinkona hennar, plötusnúðurinn Samantha Ronson, vekja enn athygli en þær hafa ekki haldið aftur af sér þegar kemur að því að leiðast, faðmast og kysstast. Og enn veltir slúðurpressan því fyrir sér hvort þær eru í raun og veru samkynhneigðar og hvort samband þeirra er alvarlegt.

Þegar myndir sem teknar voru af vinkonunum í vikunni eru skoðaðar er ekki að sjá að mikil ástríða ríki á milli stúlknanna sem halda því fram að þær eru ekki neitt annað og meira en mjög góðar vinkonur.