Amy háð ljósabekknum

Söngkonan Amy Winehouse virðist hafa þróað með sér nýja fíkn. Gengdarlausa legu í sólarbekk á heimili sínu.

Vinir hennar hafa víst þungar áhyggjur af því að Amy eyðileggi á sér húðina með þessari nýjustu fíkn sinni. The Sun hefur það eftir einum þeirra að Amy að hún taki hlutina yfirleitt með trompi. Almenn er ekki mælt með því að fólk sé lengur en fimmtán mínútur í sólarbekk. Vinurinn segir að Amy dvelji oft í klukkutíma í bekknum í einu, og sofni oft undir fjólubláum geislunum.

„Amy hefur í áranna rás verið háð áfengi, eiturlyfjum, karlmönnum og meira að segja því að prjóna," er haft eftir vininum. „Nú hefur hún fundið sér nýja fíkn sem er skaðleg fyrir heilsuna. Af hverju spilar hún ekki bara tennis?"