Beggi og Pacas verða í Íslandi í dag í sumar

Búið að semja við Begga og Pacas um fastar innkomur í Íslandi í dag í sumar. Þeir byrja í næstu viku, og ætla að fjalla um mat og drykk og skemmtilega hluti úr mannlífinu eins og þeim einum er lagið.

Þeir Beggi og Pacas slógu eftirminnilega í gegn með þáttöku sinni í raunveruleika- og hönnunarþættinum Hæðinni, þar sem þeir fóru með sigur af hólmi í síðustu viku. Og það er greinilegt að áhorfendur sakna þeirra strax.

„Við finnum það að áhorfendur okkar vilja fá þá strax á skjáinn," segir Pálmi Guðmundsson sjónvarpsstjóri Stöðvar 2. Líklegt er að áframhald verði á sjónvarpsvinnu parsins, en Pálmi segir verið að vinna í því að finna út úr því hver aðkoma þeirra verður að vetrardagskrá Stöðvarinnar.