Steini sigraði Cod Music

Sigurvegari Þorskastríðsins 2008, tónlistakeppni útgáfufyrirtækisins Cod Music, er fundinn. Eftir tíu daga vangaveltur valdi dómnefndin Steina, tónlistamann úr Reykjavík sem hefur verið starfandi undir því nafni í nokkur ár. Hann sendi frá sér sína fyrstu plötu í fyrra. Hún hét Behold og fóru tvö lög af henni í spilun. Steini hefur verið að vinna að nýju efni síðan og má þá búast við plötu frá honum í haust.

Alls bárust hátt í þrjú hundruð lög frá 102 hljómsveitum og listamönnum þátt og að því er segir í tilkynningu frá Cod Music var valið því erfitt.

Steini fær kassa af þorskalýsi og tíu kíló af þorski í verðlaun, auk þess sem hann skrifar undir útgáfusamning við Cod Music í næstu viku.

Hægt er að hlusta á tónlist Steina hér, og hér.